102.സൈപ്രസ്സില് നിന്നു തിരിച്ച് എന്.ഐ.ടി.യിലേക്ക്
(എഴുതിയത് മോഹന് ദാസ് )
ആര്.ഈ.സിയില് നിന്ന് രണ്ടുവര്ഷത്തെ ശമ്പളം ഇല്ലാത്ത അസാധാരണ അവധിയില് ആയിരുന്നു ടര്ക്കിയിലേക്ക് പുറപ്പെട്ടത്. ആറുമാസം മാത്രമേ
ടര്ക്കിയില് കഴിഞ്ഞുള്ളു.
സൈപ്രസ്സില് ഒരു
വര്ഷം കഴിയാറായി. അവിടെ വിദേശത്തില്
നിന്ന് വരുന്ന അദ്ധ്യാപകരുടെ കരാര് വര്ഷാവര്ഷം ആണ് പുതുക്കുക. ആവശ്യമെങ്കില് ഒരുവര്ഷം
കൂടി തുടരാം, അല്ലെങ്കില് എടുത്ത
അവധിയില് ബാക്കിയുള്ള
ആറുമാസം കൂടി തുടരാം, എന്താണ് താല്പര്യം എന്ന് യൂണിവേര്സിറ്റി അധികാരികള് ചോദിച്ചു കൊണ്ടിരുന്നപ്പോഴാണ് ആര്.ഈ.സി, കേന്ദ്രസര്ക്കാരിലെ
മാനവശേഷി വിഭവ വികസനവകുപ്പിന്റെ കീഴില് ഒരു ദേശീയസ്ഥാപനം, നാഷണല് ഇന്സ്റ്റിറ്റ്യൂട്ട് ഓഫ് ടെക്നോളജി ആയി
പ്രഖ്യാപിതമായത്. ഐ.ഐ.ടി. മാതൃകയില് തനതായ
പരീക്ഷകള് നടത്തി ഡിഗ്രി കൊടുക്കാന്
കഴിവുള്ള പൂര്ണമായ അക്കാഡമിക്
സ്വയംഭരണമുള്ള സ്ഥാപനം. മുമ്പ് സൂചിപ്പിച്ചിരുന്നതു പോലെ കേന്ദ്ര സംസ്ഥാന
സര്ക്കാരുടെ സംയുക്ത ഭരണത്തില് ആയിരുന്ന ആര്.ഈ.സി. കള് പല കാര്യത്തിലും അവയുടെ ഉദ്ദേശ ലക്ഷ്യപ്രാപ്തിയില് എത്തുന്നില്ല
എന്നു കേന്ദ്ര
സര്ക്കാര് നിയമിച്ച പുനരവലോകന
കമ്മറ്റികളുടെ ഉപദേശം അനുസരിച്ചാണ് ആര്.ഈ.സി.കള് എല്ലാം എന്.ഐ.ടി.കള് ആക്കാന് പാര്ലമെന്റില് പ്രത്യേക നിയമം ഉണ്ടാക്കി
തീരുമാനിച്ചത്.
Comments
Post a Comment